பச்சை சுண்டைக்காய் ஊறுகாய்

தேவையான பொருள்கள்:

பச்சை சுண்டைக்காய் - 1/2 கிலோ
உப்பு - 100 கிராம்
எலுமிச்சம் பழம் - 2
வர மிளகாய்தூள் - 2 ஸ்பூன்
மஞ்சள் பொடி - 1 ஸ்பூன்

செய்முறை:

பச்சை சுண்டைக்காய் கொத்தாக இருந்தால் காம்புகளை ஆய்ந்து தனிதனியாக எடுத்து நன்கு அலம்பி சுத்தமாக வைத்து கொள்ளவும். ஊறுகாய்க்கு எப்பொதுமே ஜாடி, அல்லது கெட்டியான ப்ளாஸ்டிக் பக்கெட் நல்லது. சுண்டைக்காயை போட்டு அதனுடன் உப்பு,மிளகாய்தூள், மஞ்சள்பொடிபோட்டு, எலுமிச்சை பழத்தை பிழிந்து விட்டு நன்கு குலுக்கி விட்டு மூடி வைக்கவும். தினமும் கிளறி விடவும். 5 நாட்களில் நன்கு தண்ணீர் விட்டு இருக்கும். பச்சை சுண்டைக்காய் என்பதால் கடுக்கென்றுதான் இருக்கும். அதுதான் உடம்புக்கு நல்லது தினமும் 5 [அ] 10 சுண்டைக்காய் சாப்பிடலாம். வயிற்று கோளாறுகளை போக்கும். ஊறிய சுண்டைகாயை வதக்கியும் சாப்பிடலாம். மாவடு ஊறுகாய் போட்டு அதன் தண்ணீர் இருந்தால் அதில் சுண்டைக்காயை போட்டு வைக்கலாம்.