அக்கார அடிசல்

தேவையான பொருட்கள்:

பாசுமதி அரிசி - 1 கப்
பால் 3/4 லிட்டர்
வெல்லம் - 2.5 கப்
முந்திரி - 10 சிறியதாக பொடித்து கொள்ளவும்
திராட்சை - 10
ஏலக்காய்தூள் - 1 டீஸ்பூன்
நெய் - 50 கிராம்

செய்முறை:

அரிசியை இரண்டு முறை கழுவி 10 நிமிடம் ஊறவைக்கவும். பாலை 1 கப் தண்ணீர் விட்டு காய்ச்சி பொங்கிவரும் போது அரிசியை போட்டு அடுப்பை சிம்மில் எரியவிடவும். நன்கு வெந்தபின். வெல்லத்தை அடுப்பில் வைத்து கரைந்தபின் கல், மண் இருந்தால் சுத்தம் செய்து வடிக்கட்டி மறுபடியும் அடுப்பில் வைத்து பாகு காய்ச்சவும். கெட்டி பாகு வந்தவுடன் அதை வெந்த சாதத்தில் போட்டு. கொஞ்சம் நெய்யை விட்டு நன்கு கெட்டியாகும் வரை அடி பிடிக்காமல் கிளறவும். நன்கு கெட்டியான பின் இறக்கி மீதி நெய்யை காய வைத்து அதில் முந்திரி, திராட்சை, வறுத்து சேர்த்துகடைசியில் ஏலக்காய் பொடி தூவி நன்கு கிளறி இறக்கி பரிமாறவும்.சூடாக சாப்பிட்டால் சுவை அறுமை.