தக்காளி ஊறுகாய்

தேவையான பொருட்கள்:

தக்காளி - 1/2 கிலோ
பெரிய வெங்காயம் - 2
மிளகாய்தூள் - 50 கிராம்
மஞ்சள்தூள் - 1/4 ஸ்பூன்
வெந்தயப் பொடி, பெருங்காய பொடி - 1 ஸ்பூன்
வெல்லம் - சிறிய கட்டி
உப்பு தேவையான அளவு
எண்ணைய் - 300கிராம்.

செய்முறை:

தக்காளி,வெங்காயத்தை பொடியாக நறுக்கி, வாணலியில் 2 ஸ்பூன் எண்ணைய் ஊற்றி கடுகுதாளித்து, மஞ்சள்தூள் போட்டு நறுக்கியதை போட்டு நன்கு வதக்கவும். தக்காளி சாறில் நன்கு வதங்கி விடும். [வதங்கிய விழுதை அரைத்தும் செய்யலாம்] மிளகாய்தூள், வெந்தயபொடி, பெருங்காய பொடி, உப்பு,வெல்லம், சேர்த்து நன்கு சுருள வதக்கி ஆறவைத்து பாட்டிலில் போட்டு, தண்ணீர் படாமல் வைத்து கொண்டால் கெடாது. வதங்கும் போது கொஞ்சம், கொஞ்சமாகதான் எண்ணைய் ஊற்ற வேண்டும். வெல்லம் சேர்ப்பதால் ருசியாக இருக்கும்.