மிளகு குழம்பு

தேவையான பொருட்கள்:

மிளகு - 2 ஸ்பூன்
சீரகம் - 2 ஸ்பூன்
வெந்தயம் - 1/4 ஸ்பூன்
புளி - 100 கிராம்
மல்லி - 2 ஸ்பூன்
கறிவேப்பிலை - 20 இலை
சிறிய கட்டி பெருங்காயம்,சிறிய கட்டி வெல்லம்
நறுக்கிய பூண்டு - 1 கப்,
உப்பு தேவையான அளவு.

செய்முறை:

வாணலியை அடுப்பில் வைத்து எல்லாவற்றையும் எண்ணெய் விடாமல் வறுத்துக் கொள்ளவும். புளியையும் லேசாக வறுத்து சுடு நீரில் ஊற வைத்துக் கொள்ளவும். அந்த புளியில் வெல்லத்தை போட்டு வைக்கவும். வாணலியில் எண்ணெய் ஊற்றி கடுகு போட்டு,வெடித்ததும் பூண்டைப் போட்டு நன்றாக வதக்கி,மஞ்சள்தூள் போட்டு,புளியை நன்கு கரைத்து ஊற்றவும். வடிகட்டும்போது, வெல்லத்திலும்,புளியிலும் உள்ள கல்,மண் அடியில் தங்கி விடும். பாதியாக சுண்டிய பின் வறுத்து வைத்துள்ள பொருட்களை மிக்ஸியில் நன்கு பொடி செய்து போட்டு இறக்கவும். கொஞ்சம், கொஞ்சமாக எண்ணெய் ஊற்ற வேண்டும். இந்த குழம்பிற்க்கு நல்லெண்ணெய்தான் நல்லது. கைபடாமல், தண்ணீர் படாமல், ஸ்பூனில் எடுத்து உபயோக படுத்தினால் கெடவே கெடாது.உடலுக்கு நல்லது.காரம் அதிகம் வேண்டும் என்று விரும்பினால் மிளகு செர்த்துக் கொள்ளலாம். வெல்லம் சுவைக்காக போடுகிறோம்.