பூண்டு தொக்கு

தேவையானவை:

பூண்டு-1/2 கிலோ,
புதியப்புளி-1/4 கிலோ,
மிளகாய்தூள்-200கிராம்,
உப்பு தேவையானது,
வறுத்த வெந்தயம், பெருங்காயம்- 1/4 ஸ்பூன்,
வெல்லம்- சிறியகட்டி,
எண்ணெய் தேவையானது,

செய்முறை:

பூண்டை தோல் நீக்கி பாதியை, சுத்தபடுத்திய புளியுடன்,உப்பும் சேர்த்து அரைத்து கொள்ளுங்கள். அடுப்பில் எண்ணெய் கொஞ்சம் ஊற்றி காய்ந்த பின் கடுகை போட்டு வெடித்தபின் 1/4 ஸ்பூன் மஞ்சள்தூள் சேர்த்து பூண்டை போட்டு வதக்கவும். சிறிது நேரம் கழித்து அரைத்த விழுதை போட்டு நன்கு சுருள வதக்கவும். நன்கு வதங்கிய பின் மிளகாய்தூள், வெந்தயபொடி, பெருங்காயதூள், வெல்லம், சேர்த்து நன்கு எண்ணெய் பிரிந்து மேலே வரும் சமயம் இறக்கி ஆற வைத்து பாட்டிலில் போட்டு வைக்கவும். புளிப்பும், காரமுமாக இந்த தொக்கு லேசான தித்திப்பு சுவையுடன் சூப்பராக இருக்கும்.