குட மிளகாய் குழம்பு

தேவையானவை:

துவரம் பருப்பு - 1/2 கப்
குடமிளகாய் பெரியதாக இருந்தால் - 2 அல்லது 3
பெரிய வெங்காயம் பொடியாக நறுக்கியது - 1
தக்காளி - 4
பச்சை மிளகாய்-6
மிளகு - 2 ஸ்பூன் தட்டி வைக்கவும்
உப்பு - தேவையானது
தாளிக்க கடுகு, சீரகம்-1/2 ஸ்பூன்,

செய்முறை:

பருப்பை மஞ்சள் தூள் சேர்த்து வேக வைத்து கொள்ளவும். கெட்டியான வாணலியை அடுப்பில் வைத்து கொஞ்சம் எண்ணெய் விட்டு காய்ந்ததும் கடுகு, சீரகம் தாளித்து வெங்காயத்தை போட்டு நன்கு வதக்கி தக்காளியை போட்டு நன்கு பச்சை வாசனை போகும் வரை வதக்கி குட மிளகாயை பொடியாக நறுக்கி அதில் சேர்த்து நன்கு வாசனை வரும் வரை வதக்கி, பின் வெந்த பருப்பை சேர்த்து ஒரு கொதி வந்ததும் இறக்கி கறிவேப்பிலை, மல்லி இலை தூவி விடவும். இதில் மிளகாய் எண்ணெயில் வதங்கும் வாசனைதான் குழம்புக்கு ருசி தரும்.பச்சை மிளகாயை பருப்பில் வேகவைத்தும் சேர்க்கலாம், பச்சை மிளகாய் வேண்டாம் என்று நி்னைப்பவர்கள் மிளகை தட்டி சேர்க்கலாம்.