தக்காளி சூப்

தேவையான பொருள்கள் :

பெங்களூர் தக்காளி - 1/4 கிலோ
நாட்டு தக்காளி - 1/4 கிலோ
கேரட் - 2
பெரிய வெங்காயம் மீடியம் அளவில் - 1
கார்ன் ஃப்ளார் - 2 ஸ்பூன்
வெண்ணெய் - 50 கிராம்
மிளகு - 3 ஸ்பூன்
பூண்டு - 2 பல்
லவங்கம் - 1
உப்பு - தேவையான அளவு


செய்முறை :

தக்காளி, வெங்காயம், பூண்டு, மிளகு, லவங்கம், கேரட், கல் உப்பு போட்டு சிறிய குக்கரில் போட்டு 1 விசில் வந்ததும் இறக்கி ஆறவிடவும். தண்ணீரில் கார்ன்ஃப்ளார் [அ] மைதாமாவை கரைத்து கொள்ளவும். ஆறிய தக்காளியை மிக்ஸியில் அடித்து [ கூழ் போல் வரும்] தேவையான தண்ணீர் கலந்து கார்ன் ப்ளார் மாவை அதில் ஊற்றி கொதிக்க விடவும். பச்சை வாசனை போனவுடன் இறக்கவும். மேலே வெண்ணெய் போட்டு சூடாக சாப்பிடவும். நாட்டு தக்காளி புளிப்பு சுவைக்கு, பெங்களூர் தக்காளி கிரேவிக்கு.தேவையானால் மட்டும் கார்ன் ஃப்ளார் சேர்க்கவும். சாப்பிடும் போது கேரட்டை மிகவும் பொடியாக கட் செய்து அதன் மேல் போடலாம். சூப் கொதிக்கும் சமயம் கொஞ்சம் நூடுல்ஸ் இருந்தால் கையால் பொடித்து சேர்த்தால் சுவையாக இருக்கும். சூப் குடித்தால் உடலுக்கு நல்லது. நன்கு பசி எடுக்கும். சத்துள்ளது. இதே போல் எந்த காய்கள் சேர்த்தும் செய்ய்லாம். சீக்கிரமும் செய்து விடலாம்.

பச்சை பட்டாணி சூப்

தேவையான பொருள்கள்; பச்சை பட்டாணி- 200 கிராம்
பெரிய வெங்காயம்-1
தக்காளி-2
பூண்டு- 4 பற்கள்
மிளகு- 2 ஸ்பூன்
உப்பு தேவையானது
வெண்ணெய்- கொஞ்சம்

செய்முறை: பட்டாணியுடன், தக்காளி,பூண்டு, வெங்காயம், மிளகு,உப்பு சேர்த்து வேகவைத்து கொள்ளவும். ஆறியபின் மிக்ஸியில் அரைத்து தேவையான தண்ணீர் சேர்த்து கொதிக்க விட்டு பரிமாறவும். பட்டாணியை வேகவைத்து அரைப்பதால் கார்ன்ப்ளவர் சேர்க்கவேண்டாம். அதிலேயே மாவுபதம் இருப்பதால் சூப்பின் பதம் இருக்கும். தேவையானால் குடிக்கும்சமயம் வெண்ணெய் போட்டு கொள்ளவும். சூப்பை எப்பொழுதுமே சூடாகதான் குடிக்க வேண்டும்.

முளைகட்டிய சூப்

நமக்கு பிடித்தமான எந்த பயறையும் முதல் நாளே ஊறவைத்து நன்கு ஊறியபின் ஹாட் பாக்ஸில் போட்டு வைத்தால் அடுத்தநாள் ஊறி முளை கட்டி இருக்கும். அதை சமையலில் எந்த வகையிலாவது சேர்த்து கொள்ளலாம். அதில் நிறைய சத்து உள்ளது. வாரம் ஒரு முறையாவது சாப்பிடவும்
தேவையான பொருள்கள்; பாசிபயறு முளை கட்டியது- 100 கிராம்
பெரிய வெங்காயம்- 1
தக்காளி-3
பூண்டு-5 பற்கள்
மிளகு தூள்- 1 ஸ்பூன்
உப்பு தேவையானது

செய்முறை: தக்காளியை சுடுநீரில் போட்டு தோல் எடுத்து கொள்ளவும். பயறு,பொடியாக நறுக்கிய வெங்காயம், பூண்டு, உப்பு போட்டு நன்கு வேகவிடவும். ஆறியபின் தக்காளியுடன் சேர்த்து மிக்ஸியில் அரைத்து தேவையான தண்ணீர் சேர்த்து கொதிக்க விடவும். மிளகுதூள் தூவி சாப்பிடவும். காரமும், உப்பும் அவரவருக்கு தேவையானதுபோல் போட்டு கொள்ளலாம்.
விருப்பபட்டால் மேலே வெண்ணெய் கொஞ்சம் போட்டு கொள்ளலாம்.

ஹெர்பல் சூப்

தேவையான பொருள்கள்; பெரியதுண்டு சுக்கு- 1
மிளகு- 1 ஸ்பூன்
திப்பிலி- 3 குச்சி
பூண்டு- 5 பற்கள்
சாதம்- 1 கப்
பாசிபருப்பு- 1 ஸ்பூன்
உப்பு தேவையனது

செய்முறை: சுக்கு, மிளகு, திப்பிலி இவற்றை மிக்ஸியில் போட்டு பொடி செய்து கொள்ளவும். பாசிபருப்பை வறுத்து அதனுடன் பொடிசெய்து சுடு நீரில் ஊற வைக்கவும். 10 நிமிடம் ஊறியபின் மிக்ஸியில் போட்டு தண்ணீர் ஊற்றி அரைக்கவும். பேஸ்ட்போல் இருக்கும். அதனுடன் சாதத்தையும் போட்டு ஒரு சுற்று சுற்றவும். அதை எடுத்து தேவையான தண்ணீர் கலந்து உப்பும் போட்டு கொதிக்கவிடவும். சிறிது நேரம கழித்து தெளிந்தபின் சூடாக குடிக்கலாம். இதில் ப்ரெட்யை துண்டுகளாக செய்து பொரித்து போட்டும் குடிக்கலாம்.

தக்காளி சூப்

தேவையான பொருள்கள்; தக்காளி- 1/4 கிலோ
பெரிய வெங்காயம்-1
பூண்டு- 5 பற்கள்
மிளகு- 2 ஸ்பூன்[அ] 1 ஸ்பூன்
கார்ன் ப்ளார் மாவு- 1 ஸ்பூன்
உப்பு தேவையானது
வெண்ணெய்- கொஞ்சம்

செய்முறை: கெட்டியான பாத்திரத்தில் வெண்ணெயை உருகவைத்து வெங்காயத்தை பொடியாக நறுக்கி வதக்கவும். தக்காளி,பூண்டு,மிளகு சேர்த்து வதக்கவும். கார்ன் ப்ளவரில் கொஞ்சம் தண்ணீர் ஊற்றி வைக்கவும். வதங்கியதை ஆற வைத்து மிக்ஸியில் அரைத்து வடிகட்டவும். அதில் தேவையான தண்ணீர் கலந்து கொதிக்கவிட்டு,கார்ன் ப்ளவரையும் ஊற்றி நுரைத்து வந்தவுடன் தேவையானால் வெண்ணெய் சேர்த்து சூடாக பரிமாறவும்.

மஷ்ரூம் சூப்

தேவையான பொருள்கள்; மஷ்ரூம்- 200 கிராம்
பெரிய வெங்காயம்- 1
கார்ன் ப்ளவர்- 1 ஸ்பூன்
மிளகு பொடி-2 ஸ்பூன்
சாட் மசாலாதூள் கொஞ்சம்
உப்பு தேவையானது
வெண்ணெய்- 1 ஸ்பூன்

செய்முறை: வெண்ணெயை உருக வைத்து அதில் பெரியவெங்காயத்தை பொடியாக நறுக்கி போட்டு வதக்கவும். மஷ்ரூமையும் பொடியாக நறுக்கி வெங்காயத்துடன் வதக்கவும். நன்கு வதங்கியபின் மஷ்ரூமில் கொஞ்சம் எடுத்து வைத்து கொள்ளவும். வதக்கியதில் உப்பு, மிளகுதூள் சேர்த்து மிக்ஸியில் அரைத்து எடுக்கவும். தேவையான தண்ணீர் சேர்த்து கொதிக்கவிடவும். அதில் எடுத்து வைத்துள்ள மஷ்ரூமை போட்டு ஒரு கொதி வந்ததும் சாப்பிடலாம். சூப் செய்ய வெண்ணெய்தான் நன்றாக இருக்கும்.

பேபி கார்ன் சூப்

தேவையான பொருள்கள்; பேபி கார்ன் - 4
கார்ன் ப்ளார் மாவு- 1 ஸ்பூன்
மிளகு தூள்-2 ஸ்பூன்
உப்பு தேவையானது
ஸ்ப்ரிங் ஆனியன் - 1 ஸ்பூன் [ வெங்காயதாள்]

செய்முறை: பேபி கார்னை பொடியாக நறுக்கி வேக வைக்கவும். அதை மிக்ஸியில் அரைத்து கொள்ளவும். அரைத்த விழுதில் 2 டம்ளர் தண்ணீர் ஊற்றி கொதிக்க விடவும். கார்ன் ப்ளவரில் உப்பு போட்டு கலந்து நீர் விட்டு கரைத்து ஊற்றவும். நன்கு பொங்கிவரும் போது மிளகுதூள், வெங்காயதாள் கலந்து பரிமாறவும். தேவையானால் குடிக்கும்சமயம் வெண்ணெய் சூப்பின்மேல் போட்டு கொள்ளலாம்.

தக்காளி சூப்

தேவையான பொருள்கள்:

தக்காளி-1/2கிலோ
பட்டை-1,
லவங்கம்-2,
ஏலக்காய்-2
நறுக்கிய வெங்காயம்- 1கப்,
பூண்டு-10 பல்,
இஞ்சி- சிறு துண்டு,
சிறிய கேரட்,
பீட்ரூட்-1 கலருக்கு,
தேவையான அளவு மிளகுதூள்,
ப்ரஷ் கீரிம்,
கொஞ்சம் வெண்ணெய்,
உப்பு சுவைகேற்ப.

செய்முறை:

ப்ரஷர் பேனில தக்காளி,வெங்காயம், பட்டை, லவங்கம்,ஏலக்காய், பூண்டு, இஞ்சி, கேரட்,பீட்ரூட், இவற்றுடன் 2 டம்ளர் தண்ணீர் சேர்த்து ப்ரஷரில் ஒரு விசில் விட்டு இறக்கி ஆற வைத்து மிக்ஸியில் அரைத்து வடிகட்டி தேவையான உப்பு போட்டு கொதிக்க விடவும். பரிமாறும் சமயம் மிளகுதூள், போடவும். சாப்ப்பிடும்போது கப்புகளில் ஊற்றி மேலே வெண்ணெய் போட்டு கலந்து குடிக்கவும். பண்டிகை காலங்களில் இந்த சூப் செய்து சாப்பிட வயிற்றுக்கு நல்லது. சூப் கெட்டியாக வேண்டும் எனில் 1 உளுளைகிழங்கை வேக வைத்து, தக்காளியை அரைக்கும் போது அரைக்கவும். சூப்பர் டேஸ்டாக இருக்கும்.

மஷ்ரூம் சூப்

தேவையான பொருட்கள்:

மஷ்ரூம்- 200 கிராம்,
ப்ரஷ் கிரீம்-2 ஸ்பூன்,
மிளகு தூள் தேவையான அளவு,
உப்பு தேவையானது,
வெண்ணெய்- 2 ஸ்பூன்,

செய்முறை:

ப்ரஷர் பேனை அடுப்பில் வைத்து மஷ்ரூமை போட்டு கொஞ்சம் தண்ணீர் ஊற்றி 2 நிமிடம் வேக வைத்து, ஆறியபின் மிக்ஸியில் அரைத்து, அதை மறுபடியும் அடுப்பில் வைத்து மிளகுதூள், உப்பு, ப்ரஷ்கிரீம் சேர்த்து குடிக்கும் கப்புகளில் ஊற்றி, குடிக்கும்போது வெண்ணெய் மேலே போட்டு ருசித்து குடிக்கவும்.

கேரட் சூப்

தேவையான பொருட்கள்:

கேரட்- 1/2 கிலோ
பெரிய வெங்காயம் - 1
தக்காளி - 2
மிளகுதூள் - 2 ஸ்பூன்
வெண்ணெய் - கொஞ்சம்
பூண்டு - 5 பற்கள்
உப்பு தேவையானது

செய்முறை:

கேரட்டை சுத்தம் செய்து 1 டம்ளர் தண்ணீர் ஊற்றி, தக்காளி, பூண்டு, வேக வைத்து ஆற வைத்து மிக்ஸியில் அரைத்து கொள்ளவும். அரைத்த விழுதை கொஞ்சம் தண்ணீர் ஊற்றி கொதிக்க விடவும். நன்கு கொதி வந்த பின் இறக்கி பெரிய வெங்கயத்தை பொடியாக நறுக்கி தூவி,மேலே வெண்ணெய் போட்டு பரிமாறபடும் படும் கப்புகளில் ஊற்றி குடிக்கவும். சுவையான சூப் ரெடி.

வெஜிடபுள் சூப்

தேவையான பொருட்கள்:

அவரவர் விருப்பத்திற்கேற்ப காய்கறிகள் நறுக்கியது - 1 கப்
பால் - 1/4 டமளர்
பூண்டு 5 - பற்கள்
பெரிய வெங்காயம் - 1
சோள மாவு 2 - ஸ்பூன்
மிளகுதூள் - 1 ஸ்பூன்
வெண்ணைய் - 3 ஸ்பூன்
உப்பு சுவைக்கு ஏற்ப

செய்முறை:

காய்கறிகளை பொடியாக நறுக்கி உப்பு சேர்த்து கொஞ்சம் தண்ணீர் விட்டு குக்கரில் 1 விசில் விட்டு இறக்கவும். வாணலியில் வெண்ணையை உருக்கி நறுக்கிய பூண்டு, பொடியாக நறுக்கிய வெங்காயம், சேர்த்து நன்கு வதங்கியபின் வேகவைத்துள்ள காய்கறியை நன்கு மசித்தோ, மிக்ஸியில் அரைத்தோ வெங்காயத்தில் ஊற்றி கொதிக்கவிடவும். பாலில் சோளமாவை கரைத்து அதில் ஊற்றவும். நன்கு கொதித்தபின் இறக்கி வைத்து சாப்பிடும் போது வெண்ணய் மேலே போட்டு, மிளகுதூள் தூவி சாப்பிடலாம். எல்லா காய்கறிகளும் சேருவதால் உடலுக்கும் நல்லது.