மைக்ரோவேவ் வெண்பொங்கல்

தேவையானவை:

அரிசி - 1 கப்
பாசிப்பருப்பு - 1/4 கப்
முந்திரி - 10
மிளகு, சீரகம் - தலா 1 ஸ்பூன்
இஞ்சி - சிறிய துண்டு தோல் சீவி தட்டி கொள்ளவும்
தண்ணீர் - 4 [அ] 5 கப்
உப்பு - தேவைக்கு ஏற்ப
நெய் - தேவைக்கு

செய்முறை:

அரிசியையும், பருப்பையும் ஒன்றாக கலந்து ஓவனில் சூடு செய்து செய்து கொள்ளவும்.அப்போது பொங்கல் வாசனையாக இருக்கும். ஓவன் பாத்திரத்தில் அரிசி, பருப்பை கலந்து தண்ணீர் ஊற்றி மூடி ஹையில் 5 நிமிடம் வைக்கவும். பின் வெளியே எடுத்து நன்கு கலந்து, மூடியை திறந்து மீடியம் அல்லது ஹையில் 15 நிமிடம் வைத்து நடுவில் ஒருமுறை எடுத்து உப்பு, கலந்து ஹையில் 5 நிமிடம் வைக்கவும். நெய்யில் முந்திரி, மிளகு, சீரகம் கறிவேப்பிலை பொரித்துபோட்டு கலந்து விட்டால் வெண்பொங்கல் ரெடி. நெய் அவரவர் தேவைக்கு ஏற்ப சேர்த்து கொள்ளலாம். சுவையான மணமுள்ள வெண்பொங்கல் தயார்.இஞ்சி சாதம் வேகும் சமயம் போட்டால் நன்கு வெந்து வாசனை நன்றாக இருக்கும். மிளகு, சீரகத்தை சிறிய ப்ளாஸ்டிக் கவரில் போட்டு சப்பாத்தி தேய்க்கும் குழவியில் தட்டி போட்டு பொரித்து கொள்ளலாம். முழுதாகவும் நெய்யில் பொரித்து கொள்ளலாம். அவரவர் விருப்பம்.