வெண்டைக்காய் தயிர் பச்சடி

தேவையானவை:

புளிக்காத தயிர் - 1 கப்
வெண்டைக்காய் - 100 கிராம்
தேங்காய் துறுவியது - 1 கப்
பச்சை மிளகாய் - 6
உப்பு - 1 ஸ்பூன்
தாளிக்க கடுகு, சீரகம், ஊளுத்தம் பருப்பு, பெருங்காயம் - தலா 1/4 ஸ்பூன்,

செய்முறை:

நறுக்கும் முன்பே தண்ணீரில் வெண்டைக்காயை அலம்பி பொடியாக நறுக்கி வைக்கவும். வாணலியில் 2-ஸ்பூன் எண்ணெய் ஊற்றி கடுகு, ஊளுத்தம்பருப்பு, சீரகம், பெருங்காயம் தாளித்து பொடியாக நறுக்கிய வெண்டைக்காயை போட்டு நன்கு வதக்கவும். தேங்காய், பச்சைமிளகாயை அரைத்து தயிரில் கலந்து, அதில் வதக்கிய வெண்டைக்காய், உப்பு, போட்டு, நன்கு கலந்து வாசனைக்கு 1/4 ஸ்பூன் தேங்காய் எண்ணெய் கலந்து மல்லி தழை தூவி கலந்து பரிமாறவும். ருசியான தயிர் பச்சடி ரெடி.